بیش از هزار جریب زمین در غزنی، دولتی تثبیت شد

بیش از هزار جریب زمین در غزنی ملکیت دولت تثبیت شده است.
عزت الله سعیدی سخنگوی والی غزنی، به آژانس باختر گفت که بر اساس تصمیم محکمهٔ ویژهٔ جلوگیری از غصب زمین ‌های دولتی، شهرک سنایی حکیم صاحب در منطقهٔ علی لالا صاحب مرکز ولایت غزنی، به عنوان ملکیت دولتی تثبیت شده است.
وی افزود که مطابق حکم این محکمه، یک هزار و ۹۳ جریب زمین شهرک مذکور از جملهٔ دارایی‌ های دولتی محسوب شده و اسناد مربوط به اشخاص، مشکوک اعلام شده است.
سخنگوی والی غزنی، گفت که این زمین در ذخیرهٔ زمین‌های دولتی ثبت و مطابق اصول، به اجاره داده خواهد شد.