محمد حنیف اتمر سرپرست وزارت امور خارجهٔ افغانستان با محمد بن عبدالرحمن وزیر خارجه و معاون صدراعظم قطر در بارهٔ مذاکرات بین افغانها گفتوگو کردند.
محمد حنیف اتمر سرپرست وزارت امور خارجهٔ افغانستان دیروز (جمعه، ۱۴ اگست) با محمد بن عبدالرحمن همتای قطریاش در بارهٔ مذاکرات بین افغانها گفتوگو کرد.
بن عبدالرحمن همزمان سمت معاونیت صدرات قطر را هم به دوش دارد.
مقامهای افغان میگویند، مرحلهٔ نخست گفتوگوهای بین افغانها در قطر برگزار میشود- جاییکه دفتر سیاسی طالبان در آنجا واقع است.
گران هیواد سخنگوی وزارت امور خارجهٔ افغانستان شام دیروز (جمعه) در باره صحبت تلفونی وزارای خارجه دو کشور گفت: “هر دو جانب در بارهٔ تصامیم لویه جرگهٔ مشورتی، چگونگی تطبیق آن، رهایی زندانیان و آغاز مذاکرات صلح، گفتوگوی طولانی داشتند.”
آقای هیواد در بارهٔ گفتوگوهای اتمر و بن عبدالرحمن جزئیات بیشتر ارائه نکرد.
اما حنیف اتمر در حساب توییترش قطر را یک شریک ارزشمنددر پروسهٔ صلح افغانستان خواند.
او نوشته که هر دو جانب به همکاری نزدیک در آغاز مذاکرات بین افغانان توافق کردند.