عبدالله عبدالله، رییس اجراییه کشور، دیروز جمعه به تاجیکستان رفت تا در نشست تعامل و اعتماد سازی در آسیا یا سیکا در شهر دوشنبه، پایتخت تاجیکستان، اشتراک کند.
در حاشیۀ این نشست، آقای عبدالله با شماری از سران کشورهای عضو این نشست دیدار کرد.
آقای عبدالله در این نشست به نماینده‌گی از افغانستان اشتراک کرده است و قرار است که در این نشست سخنرانی نیز کند.
ریاست اجراییه در یک خبرنامه می‌گوید که آقای عبدالله در سخنرانی اش با بر همکاری‌های بیشتر میان اعضای سازمان، همگرایی منطقه‌یی، مبارزه مشترک با هراس افگنی و کشت، تولید و قاچاق مواد مخدر تأکید خواهد کرد.
نشست سیکا هر چهارسال یکبار به اشتراک سران ۲۷ کشور عضو، هشت عضو و سازمان بین‌المللی ناظر برگزار می‌شود.